«Язгы изгелек атнасы”нда изге эшләр бик күп башкарылды, шуларның берсе - авылыбызда урнашкан һәйкәлләрнең тирә-янын чистартып, тәртипләп куйдык.

Язгы  изгелек  атнасы .

Укучылар  үз куллары белән  өлкәннәребезгә  бүләкләр  ясадылар. 

Күңел күкләрегезнең түренә Кояш эләбез

Түзем hәм сабыр булган өчен,

Алдыгызда җиргә кадәр баш иябез!

22.04.2015 көнне мәктәп Космонавтика декадасы кысаларында физика укытучысы З.З.Юсупов тарафыннан класстан тыш чара үткәрелде. Укучылар, ике командага бүленеп, “Брейн-ринг” уенында ярыштылар. Уенның раундлары арасында югары сыйныф укучылары физикадан кызыклы тәҗрибәләр ясадылар.Чара укучылар өчен бик файдалы һәм кызыклы булды. Уенда катнашучылар һәм җиңүчеләр дипломнар белән бүләкләнделәр.

Язгы Изгелек атнасы . 21.04.15 « Ягымлы телефон» Заманыбыз шундый инде, бер-беребез белән сирәгрәк күрешәбез, азрак аралашабыз. Бигрәк тә өлкән яшьтәгеләргә авыр – алар бит бүтән вәзгыятькә ияләшкән. Шуңа күрә олыларга игътибарлы булырга кирәклеген кабатлап тору артык булмас дип уйлыйбыз. Туганнарны онытмау изге бурычыбыз булса, бергә эшләгән өлкән иптәшләребезне искә төшереп, аларның хәлләрен белешү дә саваплы гамәл булыр иде.

21 нче апрель  көнне Казанда Габдулла Тукай исемендәге  V Бөтенроссия  шигырь конкурсы булып узды. Әлеге конкурста безнең мәктәпнең 2 нче сыйныф укучысы Зиганшина Әдилә дә Муса Җәлилнең “Вәхшәт” шигыре белән чыгыш ясады һәм дипломга ия булды. Җитәкчесе: Зиганшина Рузалия Зиннуровна. 

Яңадан – яңа уңышлар сиңа,Әдилә!  

20.04.15. Мәктәп  китапханәсендә Бөек Җиңүнең  70 еллыгына багышланган китап күргәзмәсе оештырылды. Китапханәче  Аскарова З.Р. укучыларга авыр сугыш еллары турында сөйләде.  Әсәрләрдән өзекләр укылды.

17.04.15 көнне мәктәбебезнең 4 нче сыйныф укучылары үзләренең  предметара нәтиҗәле эшләрен күрсәтү максатыннан “Җир- Кояш системасы планетасы” проект  эшен  башкардылар.

13.04.15 көнне мәктәп китапханәсендә Космонавтика көненә багышланган күргәзмә оештырылды. Укучыларга Космонавтика тарихы һәм  беренче космонавтлар Юрий Гагарин, Валентина Терешкова турында мәгълүмат бирелде.

7 нче апрель көнне Курсабаш урта гомумбелем бирү мәктәбендә татар теле һәм әдәбияты укытучыларының район семинары булып узды. Әлеге семинарның темасы: "Татар телен һәм әдәбиятын укытуда заман таләпләренә туры килерлек традицион һәм инновацион алымнар"

  Семинарда татар теле һәм әдәбияты укытучысы Шәйморзина Рәмзия Нурисламовна 7 нче сыйныф укучылары белән "Учагыңда утың сүнмәсен" дигән темага дәрес күрсәтте. Зиганшина Рузалия Зиннуровна "Ризаэтдин Фәхретдиннең "Үгет - Нәсыйхәт" китабында боеры фигыльләр"  темасына мастер - класс үткәрде.  

   Семинар эшлекле һәм бик файдалы узды.