Шундый якты, шундый көләч

Беренче көне җәйнең,

Назлап кына сыйпап сөя,

Кочагыдай әнинең.

Бакчабызда әлеге көн уңаеннан асфальтка рәсем ясау, батутта сикерү, һ.б. уеннар оештырылды. "Нәрсә ул - бәхет?", "Нәрсә ул - гаилә?", "Нәрсә ул - шатлык?" кебек мәңгелек сорауларга җавапны балалар рәсем итеп ясап күрсәттеләр. Бу чаралар балаларның күңеленә хуш килде. Батутта сикерүне оештырган өчен мәктәп директоры Айдар Нагимович Шариповка зур рәхмәтебезне белдерәбез!

Бүген минем туган көн.

Булсын иде ул һәркөн!

Матур бүләк алып килде,

Мине котларга һәркем.

Чәчәккә күмелгән тугайлар,

Майның бу көннәрендә.

Болынның иң матур җиренә,

Килегез сез, безне күрергә!

Шатланып уйныйбыз, көләбез!

Апалар, дуслар да янәшә.

Зәңгәрсу һавада иркенләп 

Кояш та үз нурын өләшә.

Яз сулышы белән бергә

Бәйрәм йөри, авыл буйлап.

Күрше Сәрби әби генә

Яшен сөртә, авыр сулап.

Мин чәчәкләр җыям аңа,

Бүлмәсенә ямь тулсын.

Җиңү белән бергә илгә

Улы кайткан кебек булсын...

Резеда Вәлиева

Без тыныч тормышта яшәвебез өчен Ватаныбызны фашист тозагыннан азат иткән Ветераннарыбыз алдында бурычлы! Бөек Җиңү бәйрәмен онытмыйча, яңа буынга җиткерү - безнең төп максат һәм бурычыбыз! Ватанны саклау өчен үзләренең гомерләрен җ әлләмичә сугышкан сакчылар алдында без баш иябез! Рәхмәт Сезгә, Ветераннар!!!

Авыл китапханәчесе Фәридә апа Г.Тукай китапларын, рәсемнәр алып безгә кунакка килде. Балаларга кызыклы викторина сораулары бирде, әдипнең сакланып калган шәхси 4 әйберенең рәсемнәрен күрсәтте.