Ученик 8 класса Хайбиев Фанис занял 3 место в районных соревнованиях по национальной борьбе в своей весовой категории. (учитель Губайдуллин Р.М.) Поздравляем от души!

 8 сыйныф укучылары Хайбиев Фәнис һәм Аскаров Сәйдәш милли көрәш буенча район ярышында катнашалар. (укытучылары Р.М. Губайдуллин) Уңышлар Сезгә, егетләр!

Сегодня после уроков прошел КВН в рамках недели химии-биологии. Учащиеся 8-11 классов показывали хорошие знания по биологии и химии, отвечали на вопросы, выполняли творческие задания, ставили опыты. После многочисленных туров победила команда "Алхимики"

Химия атналыгы кысаларында классларда төрле чаралар узды. Укучылар пластик материаллардан төрле матур эшләр ясап күргәзмә оештырдылар, "Химия,экология, биология" дигән темага КВН үткәрделәр, "Химия фронт өчен" дигән темага телдән журнал эшләделәр,плакат һәм  стена газеталарына конкурс оештырдылар. Атналык бик кызыклы һәм файдалы узды. Катнашкан укучыларга һәм Әлфия Махмутовнага зур рәхмәт белдерәбез!

Биология атналыгы кысаларында укучылар көче белән стена газеталары чыгарылды, китаплар, рәсемнәрдән күргәзмә оештырылды. Укучылар кроссвордлар төзеделәр, экология елына багышлап рәсемнәр ясадылар, дәресләрдә "кызыклы биология" темасына өстәмә материаллар тупладылар. "Нәрсә? Кайда? Кайчан? дип аталган викторинада катнаштылар

13 март көнне армспорт буенча район күләмендә сайлап алу ярышлары узды. Безнең мәктәптән 8 сыйныф укучысы Хәйбиев Фәнис һәм 9 сыйныф укучысы Вәлиева Сөмбелләр  үз үлчәyләрендә 1 урын алдылар. (укытучылары Р.М. Губайдуллин) 7.сыйныф укучысы Зарипов Инсаф 4 урынга чыкты.Котлыйбыз һәм алдагы ярышларда уңышлар телибез! Барлык катнашкан укучыларыбызга рәхмәт белдерәбез. 

Сыйныф җитәкчеләре класс сәгатен үткәрүнең төрле формаларын кулланалар. Викторина, әңгәмә, ярышлар еш уза классларда. 13 март көнне 10 сыйныф укучылары "Туган көнең белән, классташ!" дип аталган кичә үткәрделәр. Алар сыйныф җитәкчеләре Абдуллина Л.М. белән күңелле итеп ял иттеләр, төрле ярышлар үткәрделәр, туган көннәр белән котладылар, биеделәр, җырладылар. Әлеге кичәләр укучыларыбызны туплый һәм бердәмлеккә өйрәтә.

7 март көнне 1-4 сыйныф кызлары өчен "Ягез әле, кызлар!" ярышы үткәрелде. Кызлар ике командага бүленеп төрле өлкәдә осталыкларын күрсәттеләр.

Бүген дәресләрдән соң коллектив белән бәйрәм кичәсе үткәрдек. 3 командага  бүленеп ярыштык, иҗади номерлар белән чыгыш ясадык, барлык хатын-кызларны бәйрәм белән тәбрик иттек. Вакытны бик күңелле үткәрдек, оештыручыларга зур рәхмәт!

Барлык укучы кызларыбызны, укытучыларыбызны, лаеклы ялдагы укытучыларыбызны, техник хезмәткәрләребезне, ашханә эшчеләрен, әби,әниләрне чын күңелдән бәйрәм белән тәбрик итәбез. Иң изге теләкләребезне кабул итеп алыгыз! Гел матур, яшь булып калыгыз, нык сәламәтлек телибез Сезгә! Гомерегез буе "Ярый әле, Син бар!" дигән сүзләрне ишетеп яшәргә язсын барыгызга да!