Уртанчылар төркеме Насибуллин Ильнур Дамирович катнашында шөгыль үткәрделәр. Балалар машиналарга әверелеп, сәяхәт иттеләр, юл кагыйдәләрен искә төшерә бардылар, яңаларын да өйрәнделәр.

  Зурлар төркеме дә "Куркынычсызлык атналыгы" уңаеннан юл йөрү кагыйдәләре буенча эшчәнлек үткәрде. Эшчәнлектә Насибуллин И.Д. та катнашты. Юл билгеләрен кабатладылар, балаларны кызыксындырган  сорауларга Ильнур Дамирович белән берлектә җаваплар эзләделәр. Очрашу күңелле булды.

  Зурлар төркеменә йөрүче балалар үз фотокарточкаларын куеп, көзге төрле-төсле яфраклардан рама ясадылар.

   Бүген бакчабызга йөрүче балалар да, сәламәтлекләрен ныгыту максатыннан, йөгереп ярыштылар. Уртанчылар төркеменнән 23 бала катнашты.

  Зурлар төркеменә йөрүче балалар да йөгерү ярышларында катнашып, өлгерләр һәм җитезләрне ачыкладылар. Барлыгы 21 бала катнашты.

  Бакчабыз әйләнә-тирәсен көн саен чиста, тәртиптә тотарга тырышабыз. Бүген дә бергәләп чыгып, корыган чәчәкләрне җыештырдык, себердек, уен мөйданчыгын тәртипкә китердек.

 Зурлар төркеменә йөрүче балалар төрле-төсле көзге яфракларны төшереп ясадылар. Кайсы агачның яфрагы нинди төскә кереп саргаюын ачыкладылар. 

  Зурлар төркеменә йөрүче балалар урманга баргач, үз-үзеңне тоту кагыйдәләре турында да әңгәмә кордылар. Исләрендә калдыру максатыннан, әвәләү эшчәнлегендә агулы, кул белән дә тотарга да ярамый торган гомбәләрне пластилиннан ясадылар.

 Төркемнәрдә ата-аналар җыелышлары уздырыла башлады. 6 сентябрь көнне зурлар төркемендә җыелыш булды. Киләсе елга 19 бала укырга керәчәге билгеле, шул сәбәпле, әти-әниләргә мәктәпкә әзерлек чорында киңәшләр, тәкъдимнәр әйтелде. Борчыган сорауларга бергәләп җаваплар эзләделәр.  1-8 нче сентябрь "Куркынычсызлык атналыгы" булу сәбәпле, төрле кыркынычсызлык кагыйдәләрен какбатлауга басым ясалды, инструктажлар үткәрелде. Уку кирәк-яраклары, эш дәфтәрләре турында фикер алышынды.Әти-әниләр белән бергә аңлашып эшләгәндә генә куелган максатларга ирешеп булачак!

  Тиздән суыклар башланыр... Суыклар белән бергә төрле вирус авырулары да килер. Ә без моңа әзерме соң? Бүген бакчабызга Эзмә ФАП мөдире Шәйхетдинова Гөлназ апа кереп, алдан күреләсе чаралар турында аңлатып сөйләп чыкты.