Иртәнге аштан соң "Безгә бергә күңелле" - "Елмай" дип исемләнгән фотосессиядә балалар бик теләп катнашты. "Истәлекле урыннар буйлап" дип аталган туган якны өйрәнү шөгылендә җирлегебездәге тарихи урыннар белән таныштылар, экскурсия оештырылды.

Бүгенге көнебез дә күңелле үтте. Балалар белән "Дуслык утравы" исеме астында чара, "Туган ил сагында" дип исемләнгән рәсем конкурсы, табигать кочагында күңелле уеннар, ә төшке аштан соң футбол турниры үткәрелде. 

Иртәнге аштан соң балалар белән "Иң акыллы" дигән исем астында викторина үткәрелде. Шулай ук Эзмә авылының иман йорты - мәчетендә булып, имам - хатыйп Илнур хәзрәтнең дә укучыларыбызның күңеленә үтеп керерлек вәгазьләрен игътибар белән тыңладылар. 

Бүген лагерьга йөрүче балалар белән Эзмә ФАП фельдшеры Шәйхетдинова Г.Ш. "Начар һәм куркыныч гадәтләр" дигән темага әңгәмә үткәрде. "Безнең туган як" дигән рәсем конкурсында, флэшмоб, саф һавада уеннарда  да балалар актив катнашты. 

Бүген - Россия көне. Шул уңайдан укучылар белән әлеге бәйрәмгә карата төрле чаралар уздырылды. 

Укучыларыбыз инеш буенда экскурсиядә булды, суда куркынычсызлык темасы буенча әңгәмә үткәрелде, сулыкларда яшәүче хайваннар һәм үсемлекләр турында белемнәре ныгытылды. "Тылсымлы пластилин" һәм "Кәгазь - могҗиза" шөгыльләрендә дә укучыларыбыз актив катнашты һәм бик матур эшләнмәләр ясады.

Лагерьда экология атналыгы дәвам итә. Төшке ашка кадәр укучылар "Табигатьне саклыйбыз" темасы астында проект эшләре эшләделәр, шулай ук конфет тышлыкларыннан кул эшләре ясалды. Көнебез Олыяз авылындагы роботлаштырылган сөтчелек комплексына экскурсия белән тәмамланды.

Бүген укучыларыбыз өчен район үзәгенә сәяхәт оештырылды. 

Көнебезнең беренче яртысы  "Чишмә сукмаклары буйлап" дип аталды. Балалар чишмәләргә экскурсиягә бардылар, аларның тирә - ягын җыештырдылар, отрядларда авыл чишмәләренә багышланган проект эшләре эшләделәр. Төшке аштан соң күңелле уеннар оештырылды.