2 нче октябрь көнне гимназиябезгә озак еллар Саба мәктәбендә хезмәт иткән, хәзерге вакытта лаеклы ялда булган ветеран укытучылар, хезмәткәрләр кунакка килде. Өлкән укытучыларыбызны 1нче октябрь - өлкәннәр көне белән гимназиябез директоры Ханафиева Айгөл Шакирҗановна, профсоюз комитеты рәисе Гаррапова Гөлчәчәк Хаҗимөхәммәт бәйрәм белән котлады. Өлкәннәргә 3 нче А сыйныфы укучылар (җитәкчеләре Хөсәенова Г.Х.) көче белән әзерләнгән концерт программасы тәкъдим ителде. Җыр – биюле, матур шигырьле әлеге тамаша өлкәннәребез күңеленә хуш килде. Кичәнең икенче өлеше гимназиябез ашханәсендә дәвам итте. Бер күрешү – үзе бер гомер бит. Өлкәннәр чәй табыны артында бер – берсенең хәлләрен белеп, эшләгән дәвердәге хатирәләре, истәлекләре белән уртаклаштылар. Кичә бик күңелле үтте.