Саба халкы театр, җыр-бию сәнгатен үз итә. Район башлыгы карары нигезендә оешмалар арасында, спектакльләр әзерләп, тамашачыга тәкъдим итү оештырылды. 22 нче март конне гимназиябез коллективы район мәдәният йортында Ләбиб Леронның “АЛТЫН КҮКӘЙ ЯКИ КИНДЕРСЮРПРИЗ” дип исемлэнгэн спектаклен сәхнәләштерде.
Спектакльне сәхнәгә гимназия өстәмә белем бирү укытучысы, режиссёр Курбанова А.Р. куйды. Бер авылда тормыш иткән ике гаиләнең балалары үсеп җитеп өйләнешергә уйлыйлар. Булачак кияу егете сюрприз ясыйм дип алтын йомырка эченэ алтын балдаклар алып яшерә. Моны ишетеп авылга хәбәрчеләр дә килеп төшә. Йомырка югалу сәбәпле, авылда ыгы-зыгы башлана. Спекталь азагында шунсы ачыклана, югалган алтын йомырка урынына кияу егете кабат нэкъ шундый ук йомырканы әзерли. Ике пар кавыша, кода-кодагыйлар ризалыкларын бирәләр, барлык авыл халкы әлеге парларны кавышу көннәре белән тәбриклиләр.
Спектакльдә катнашкан һәр кеше: Каримов И.И., Курбанова А.Р., Газизов М.Н., Сулейманова Г.Р., Гарифуллин Р.М., Гатауллина Р.И., Хайриев И.З., Галиева Н.А., Гимазова Д.Т., Зарипов М.Г., Шафигуллина Р.М., 4В сыйныфы укучысы Хабибуллина Динә, Файзрахманов Р.Р.лар, рольгэ кереп, чын мәгънәсендә, профессиональ артистлар дәрәҗәсендә зур осталык белән уйнадылар. Тамашачылар артистларыбызны көчле алкышларга күмделәр. Спектакль беткәч, Саба районы башкарма комитеты җитәкчесе Р.М.Гасимов, гимназия директоры А.Ш.Ханафиева гимназиябез артистларына зур рәхмәтен җиткерде.
Дирекция исеменнән, спектакльне сәхнәгә куючы режиссёрыбыз Айсылу Курбанова, спектакльдә уйнаучыларның барысына да рәхмәт белдерелә, алга таба зур иҗат уңышлары тели.