Ниһаять тышта яз сулышы хөкем сөрә. Кояш нурлары җиһанны җылыткан чакта күңел урамга тартыла. Яз һавасын сулыйсы, уянучы табигатькә сокланасы килеп тора. Гимназиядә дә уку гөрләп бара: укучылар тәүге каникулга әзерләнәләр, бар көчләрен куеп соңгы атнасын тырышып укыйлар. Төрледән-төрле конкурсларда катнашырга, буш вакытларын тимурчылык эшенә сарыф итергә дә онытмый алар. Мәсәлән, 6 "В" сыйныфы укучылары үзләренең яраткан Лена әби белән Риволь бабайларына ярдәм итәргә бардылар. Раковлар гаиләсе балаларны һәрвакыттагыча ачык йөз белән каршы алды. Укучылар ишегалдындагы бозны чабып урамга чыгардылар, кар түктеләр. Саф һавада эшләү тимурчыларга аеруча ошады. Вакытны бер-берең белән серләшеп, күңелле итеп уздыру һәркемгә файдага гына булды. Лена әби укучыларны күчтәнәчләр белән сыйлап, изге теләкләрен әйтеп озатып калды. Бүгенге көннең файдалы узуына укучылар да, өлкәннәр дә бик шатланды.