Вакыт дигәнең сизелми дә уза да китә. Әле кайчан гына салкын кышка аякс баскан булсак, бүген инде бар җиһанны кояш нурлары иркәли. Табигать язга әзерләнә. Озакламый бар дөнья җанланыр: агачлар яфракка бөреләнер, беренче чәчәкләр-умырзаялар калкып чыгарлар,җылы яктан кошлар кайтыр. Кошлар дигәннән, бүген 26 нчы февраль көнне 1 “Д” сыйныфы укучылары, укытучылары Корбанова Айсылу Рәис кызы белән берлектә өстәмә белем бирү дәресендә паркка чыгып, кош оялары куйдылар. Бу дәреснең төп максаты: укучыларның кошлар турында белемнәрен тирәнәйтү,бәйләнешле сөйләм телен камилләштерү, хезмәткә мәхәббәт тәрбияләүдән гыйбәрәт иде. Балалар дәрестә төрледән-төрле кош оялары ясап, җимнәр әзерләделәр. Паркка чыгып үз ояларын кую укучыларга аеруча ошады. Саф һавада уздырылган дәрес файдалы да, кызыклы узды. Һәркем шат күңел, күтәренке кәеф белән кайтып китте. Кошларга, гомумән, барлык тереклеккә, җан иясенә һәрвакыт игътибарлы булсак иде.