Бүген, 14 нче декабрь көнне, гимназиябездә "Хатирә” клубы белән берлектә әйдәп баручы укытучы (югары кв. категорияле), Саба яклары, Байлар Сабасы авылы, Мәгарифе һәм мәдәнияте үсеше тарихларын тирәнтен өйрәнеп, район музеена нигез салучы, оештыручы, актив җәмәгать эшлеклесе, "Тарихчы-архивистлар җәмгыяте”нең рәисе, ветераннар Советы әгъзасы, 2007 нче елны нәшер ителгән "Музейларда тарих эзләре” дигән җыентыкның төп төзүчесе һәм күп тарихи, фәнни язмаларның авторы, Закир Йосыпов исемендәге премия лауреаты, Хезмәт Ветераны Сиражиева Рәйсә Бәдретдин кызының 80 яшьлек юбилее билгеләп үтелде. Аның хезмәт стажы: 56 ел, шулардан 42 ел- педагогик стаж, 14 ел - музей стажы. Сираҗиева Рәйсә Бәдретдин кызы Саба мәктәбенең туган якны өйрәнү музееның, Сабаның район музеен оештыручысы да, аларга җан өрүче. Очрашга район музее житәкчесе Сунгатова Р.Р, мәдәният хезмәткәре Нурмөхәмәдова Гөлзиләләрнең килүе дә ямь остәде. Портрет кичә җыр-моң, истәлекләр белән аралаштырылып алып барылды. Татарстанның атказанган мәдәният хезмәткәре, Ф.Туишев исемендәге премия лауреаты Вилорик Вәлиуллинның күп төрле тальян-гармуннарында уйнап җибәрүе үткәннәргә алып кайтты. Юбилярның тормыш юлын чагылдырган презентация очрашуны тагы да тулыландырды. Рәйсә апа Сиражиева үткәргән экскурсияләр, кичәләр, әңгәмәләр озак еллар үткәч тә онытылмас, якты хатирә булып күңелләрдә сакланыр.
Дирекция исеменнән очрашу-кичәне оештырган "Хатирә” ветераннар клубының әгъзасы, Хезмәт Ветераны Хисанов Х.Ф ка, зур рәхмәт белдерәбез.