Бүген , 5 нче гыйнвар көнне, гимназиянең 5 “Б” 6 “В”, 8 “В” сыйныфы укучылары Рузалия Ибрагимовна, Айсылу Раисовна, Ләйлә Саубановна, Миләүшә Әлфәтовна белән берлектә Лесхоз бистәсенең “Нарат” боз сараена бардылар. Экскурсиянең төп максаты: сәламәт яшәү рәвешен пропагандалау, үзара дуслык хисләре тәрбияләү, ял көнен файдалы итеп уздырудан мәслихәт иде. Укучылар бозда тимераякта шудылар, фотосурәткә төштеләр , гомумән бүгенге көнне күңелле итеп уздырдылар. Юкка гына халык мәкале “ Сәламәт тәндә – сәламәт” акыл” дими. Укучыларның сәламәт булуы безнең төп бурычыбыз булып тора. “ Нарат” боз сарае коллективына безне җылы каршы алганнары өчен зур рәхмәтебезне белдерәбез. Бүгенге мизгелләр һәркемнең күңелендә җуелмас матур хатирәләр булып уелып калсын иде.