1 октябрь - өлкәннәр көне. Аларга булган бөтен кадер- хөрмәтләребезне шушы көнне курсәтеп калырга тырышабыз. Районыбызда, оешма предприятияләрдә төрледән- төрле чаралар утеп тора. Ә иң матуры, районыбыз җитәкчесе Рәис Нургали улы Минниханов тарафыннан зурлап уткәрелә торганы - 50 ел бергә гөмер кичеруче, "Алтын туйларын" билгеләп үтүчеләрне бергә очраштыру кичәсе. Гимназиядә зур хезмәт куеп, бүгенге көндә лаеклы ялга чыгып, бәхетле картлык кичерүче, 45 ел шофер, производствога өйрәтү мастеры булып эшләгән Гафур абый һэм Сания апаларны (20 ел мәктәп интернатында пешекче булып эшләгән), шулай ук гимназияның техник хезмәткәре Гәйнетдинова Сәвиянең әти- әнисен, завхоз Гимадиев Маратның әби-бабайсын да зурлап чакырганнар иде. Бәйрәм югары дәрәҗәдә, җыр-бию, нәфис сүз, уен көлке белән үрелеп барды. Өлкәннәр тормыш тәҗрибәсе белән уртаклашып, яшь парларга озын гомерле гаилә юлының серләрен ачтылар, хщер-фатихаларын биреп, изге теләкләр теләделәр. Бүгенге кичә чын мәгънәсендә зур бәйрәм, тантана булып һәркемнең күңелендә матур хәтирә булып уелып калды. Ә без, үз чиратыбызда үрнәк парларга сәләмәтлек, Ходай биргән гомерләренең тигезлектә, күңел тынычлыгы белән үтүен теләп калабыз.