Буген 27 сентябрь Саба районы спорткомплексында традицияне саклап, кабак бәйрәме 10 нчы тапкыр югары дәрәҗәдә узды. Биредә кабактан төрледән-төрле кул эшләнмәләре, камыр ризыклары бар иде. Һәр оешма концерт номерлары белән чыгыш ясады, рәсем, кабак төше чистарту, җыр-бию, кызыклы фото конкурсларындакатнашты. Бу чарада безнең гимназия укучылары да үзләрен бары яхшы яктан күрсәтеп, призлы урыннар яуладылар. 3 б сыйныфы укучысы Газизов Фәннүр 32 кг лы авырлыктагы кабак үстереп II , гимназия укучылары, Заһидуллина Энҗе Рафик кызы җитәкчелегендә, “ Кабак турында иң матур җыр” номинациясендә lll дәрәҗәдәге диплом белән бүләкләнделәр. Гомумән, бәйрәм һәр кемнең күнелендә җуелмас матур хәтирә булып уелып калды. Чара район башлыгы Рәис Нургали улы Миннихановның изге теләкләре, тәбрикләве белән тәмамланды. Бәйрәмнән һәр катнашучы истәлекле бүләкләр белән, күтәренке рухта кайтып китте.