Бүген, 14 февраль хәрби-патриотик тәрбия бирү айлыгы кысаларында, гимназиябездә очрашулар булып үтте. 2 Г сыйныфы,сыйныфташыбыз Әлфиснең абыйсы, яңа гына Түбән Новгород өлкәсендә Ватан алдындагы изге бурычын үтәп кайткан Марат Манзут улы Якуповны җылы каршы алды. Укучыларны кызыксындырган сорауларга солдат абый бик теләп һәм төгәл җавап бирде. Тырышып укыганда, күп белергә теләгәндә, спорт белән кечкенәдән шөгыльләнгәндә армия хезмәте җаваплы да, кызыклы да булына басым ясады. Шулай ук, гимазиябезнең хәрби әзерлек дәресләре укытучысы Хәйриев Илнур Зөфәр улының чыгышы да балаларда кызыксыну уятты. Концерт номерлары белән үрелеп барган очрашудан тараласы килмәде. Мондый очрашулар укучыларыбызда хәрби әзерлеккә омтылыш уятыр, туган илебезнең тынычлыгы өчен җаваплылык хисләре булдырыр.