Берәүләре ВУЗ ишеген шакый, 
Берәүләре солдат булып илне саклый, 
Берәүләре табиб булып шифалы нур бөркә, 
Берәүләр зур төзелештә эшче исемен йөртә. 
Берәүләре белем бирә балаларга, 
Берәүләре нигез сала калаларга, 
Берәүләре газет-журнал чыгаралар 
Бу тормышта үз юлларын таба алар. 

Традицион рәвештә ел саен гимназиядә чыгарылыш сыйныф укучылары - студентлар белән очрашу кичәсе оештырыла. 9-11 нче сыйныф укучылары, сыйныф җитәкчеләре, предмет укытучылары якын итеп, мәктәп елларын сагынып килгән студентларны яратып каршы алалар. 6 нчы февраль көнне гимназиягә мәктәпне, укытучыларын яраткан, аларны онытмаган, төрле елларда тәмамлап бүгенге көндә төрле ВУЗларда белем алучы студентлар кунакка килде. Очрашу барышында студенлар үзләренең укулары, уңышлары белән уртаклаштылар, укытучыларга олы рәхмәтләрен җиткерделәр, укучылар төрле уку йортлары, аларда уку шартлары турында үзләренә бик күп кирәкле мәгълүмат алдылар. Очрашу җыр-бию, уен-көлке, ярышлар белән үрелеп барды һәм күңелле дискотека белән тәмамланды.