26 нчы декабрь көнне гимназиябезнең 2 нче Б сыйныфы укучылары, сыйныф җитәкчеләре Галихузина Гөлназ Ильянур кызы белән Арча районы Кырлай авылында урнашкан Кыш бабай хуҗалыгында (резиденциясендә) кунакта булдылар. "Кыш бабайның урман әкиятендә уйнап сәяхәт итәбез",- дип укучылар Батыр, Алтынчәч, Таһир, Зөһрә, Шайтан, Шүрәле, Убырлы карчык, Кыш бабай, Кар кызы һәм Кар бабайлар белән бергә уйнап күңел ачтылар. Укучыларның тапкыр, җитез булулары, сынаулар каршында югалып калмаулары, матур шигырьләре һәм җырлары Шүрәле белән Убырлы төзегән тозакларны үтәргә ярдәм итте. Бу тырышлыклары өчен Кыш бабай балаларны Грамота һәм тәмле күчтәнәчләр белән бүләкләде. Саф һавада кызыклы уеннар, җигүле атларда сәяхәт, әкият геройлары, Кыш бабай һәм Кар кызы белән очрашу балалар күңелендә әле озак сакланыр. 
Шушындый матур сәяхәт оештырып, балаларга онытылмас мизгеләр бүләк иткән өчен, барлык әти - әниләр исеменнән Гөлназ Ильянур кызына зур рәхмәтебезне белдерәбез.