Бүген гимназиябездә бию марафоны башланып китте. Үсеп килүче яшь буынның иҗади эшчәнлеген формалаштыру һәм активлаштыру, бию ярдәмендә әхлакый һәм сәнгати – эстетик тәрбия бирү, традицияләребезне үстерү, бию өлкәсендә талантлы балаларны ачыклау максатыннан оештырылган бу чарада һәр сыйныф "Вальс” һәм бер милли бию тәкъдим итте. Һәр номер үзенчәлекле, оригиналь һәм истә калырлык иде. Укучыларның төрледән – төрле милли киемнәрдән чыгышлары тамашачыларның алкышларына күмелде. Бию бәйрәмендә катнашкан барлык укучыларга һәм аларның җитәкчеләренә рәхмәтебезне җиткерәбез.