Бүген көн аеруча матур. Иртәнге зарядка һәм аштан соң, без  Лесхозга экскурсиягә җыендык. Ниятебез, боз сараенда тимераякта шуу,орлыкчылык үзәген  күрү, дендрологик бакча белән танышу. Башта балалар рәхәтләнеп тимераякта шудылар, аннары орлыкчылык үзәгенә киттек. Монда  агачларның ничек үскәнен күрсәттелэр. Нәни генә орлыклардан бик кечкенә үсентеләр үсеп чыга икән, алар зур агач булып үсеп киткәнче дистә еллар үтә икән.Ә дендрологик бакча могҗизага тиң! Без анда йөргәндә үзебезне әкияттәге бакчага эләккәндәй хис иттек.-2003 елда бу урында сукаланган җир генә иде,-дип искә ала ул елларны бакча директоры Шаймиев И.А. Бик күп агачларны һәм куакларны чит төбәкләрдән кайтартып утыртканнар, ә алар безнең як климатына ярашып, гөрләп үсеп киткәннәр. Э аннары «Сабантуй» атлар спорт комплексына кердек, тренер атлар белэн торле трюклар курсэтте. 

Лагерьның бу көне дә күңелләрдә матур хатирәләр генә калдырды.