Апрель ае-бөек шагыйребез  Г. Тукайны безгә бүләк иткән ай. Бу айда татар халкы үзенең Тукаен олылап , сагынып искә ала. Аның исемен меңнәрчә кешеләр кабатлый,  күңелендә  барлый. 

26 апрель - сөекле шагыйребез Г.Тукайның туган көне, аңа быел тууына 130 ел булды.Шул унайдан, гимназиядэ 18-26 апрель - Тукай декадасы итеп игълан ителде.Декада  кысаларында 5,6  сыйныфларда Г.Тукай әсәрләре буенча рәсем конкурсы үтте, 7 ,8 нче сыйныф укучылары шагыйрьнең иҗатын, тормыш юлын чагылдырган стена газеталары чыгардылар. 

20-23 апрель көннәрендә һәр класстан сәнгатьле шигырь сөйләүчеләр конкурсы оештырылды. 26 нчы апрель көнне гимназиядә, татар теле һәм әдәбияты укытучысы Хәлилова Л.Х. 9Б, 6в, 6г, 6Д,5А,5Б,6А, 6Б, 7А   сыйныфы укучылары белән  берлектә,  “Тукай – мәңгелек шагыйрь ”  дип аталган  шигырь бәйрәме үтте. Кичәдә 5-9 нчы сыйныф укучылары актив катнашты. 9б сыйныфы укучылары Гусамова Ләйсән һәм Шиһабиева Ләйсән кичәне үзенчәлекле итеп алып бардылар.   Г.Тукай турында истәлекләр, шигырьләрен сәнгатьле сөйләп, бәйрәмне күңелле, мавыктыргыч итеп  уздырдылар. Бәйрәм күңелләрдә җылы хисләр калдырып, бик матур узды.