11 нче  апрель көнне  "Театр яктылыкка, нурга илтә" факультатив дәрес кысаларында  8, 10 нчы сыйныф укучылары  Казан шәһәренә экскурсиягә бардылар. Көннең беренче  яртысында сыйныфлар Татарстан Республикасы милли музеена  кунакка керделәр.  Анда Республиканың тарихы,  татар халкының милли костюмнарын, бизәнү әйберләрен,  декоратив-гамәли сәнгатен  чагылдырган уникаль чигүләр һәм келәмнәр күргәзмәләрен карадылар. Иң күренекле экспонатлар арасында императрица Екатерина II каретасының төп нөсхәсен аерып күрсәтергә була. Карета бик яхшы хәлдә һәм үзенең гүзәллеге һәм зиннәтлелеге белән музейга килүчеләрне таң калдырды. Шулай ук укучылар  татар һәм рус авторларының рәсем сәнгате, музыка кораллары һәм кулъязмаларының төп нөсхәләре булган заллар  белән дә таныштылар.
     Г. Камал исемендәге татар Дәүләт Академия театры укучыларыбызны ишекләрен киң ачып каршы алды. Г.Кутуйның «Тапшырылмаган хатлар»  драмасы укучыларны театр дөньясына алып кереп, күңел кылларын тибрәтте.  Әлеге файдалы ял өчен мәктәбебез директоры Ләйлә Мәсхүтовнага  рәхмәт җиткерәбез.