Бүгенге көн лагерьда аеруча мавыктыргыч һәм күңелле үтте. Иртәңге аш һәм гимнастикадан соң балалар “Олимп” стадионына юл тоттылар. Анда алар өчен Сабантуй бәйрәме оештырылды. Укучылар төрле уеннарда көч сынаштылар: кашыкка йомырка салып йөгерделәр, скакалкада сикерделәр, кашык белән су ташыдылар, капчык киеп йөгерделәр, аркан таттылар. Уеннарда катнашу балаларга бик ошады - рәхәтләнеп ял иттеләр, аттракционнарда күңел ачырга да өлгерделәр. Бәйрәмнән кайткач отрядларда укучыларга Сабантуй бирнәләре өләшенде, бирнәләрне балалар үзләре алып килгәннәр иде.
     Тәмле ашлар белән сыйлангач, отрядларда 12 июнь – Россия көне уңаеннан мәгълүмати чара булып узды.   Көннең узып киткәне сизелмичә дә калды, бүгенге көн бары тик яхшы кәеф һәм онытылмас мизгелләр бүләк итте!