3 нче ноябрь көнне район балалар китапханәсе туган телләр һәм халыклар бердәмлеге елы уңаеннан "Мин кулыма китап алам" дип исемләнгән интеллектуаль уен үткәрде. Уенда  5-6  сыйныф укучылары катнашты. Уен 5 өлештән торды: 1 нчесе "Тел - милләт бизәге"- мәкалләрне дәвам итү, 2 нчесе "Тапкырларга табышмак" - табышмаклар, 3 нче өлеш "Яхшы китап-иң ышанычлы дус" - әкиятне бел, 4 нче өлеш - "Серле сандык"- төрле халык әкиятләре, 5 нче өлеш - онлайн- сәхифә Айгөл Әхмәтгалиеваның "Мин гашыйк булдым " китап презентациясе. Һәр өлештә 4 сорау булды, укучылар сорауларны үзләре сайлап алып 1 минут эчендә җавап бирергә тиеш иделәр. Дөрес җавап биргән командага баллар куелып барылды. Укучылар сынатмадылар, актив җавап биреп үз белемнәрен, осталыкларын күрсәттеләр.