Мәктәбебезнең 1 нче сыйныф укучылары өчен беренче каникуллары бигрәк тә күңелле һәм мавыктыргыч чара белән башланып китте. Алар бүген Саба Үзәк китапханәсендә кунакта булдылар. Укучыларга әкиятләрдән таныш булган Убырлы Карчык белән Шүрәле китапханәгә килеп, әкият геройларын бүлмәләргә бикләп куйганнар. Төрле биремнәрне чишеп, әкият геройларына булышу мөмкинлеге барлыгын ачыклагач, укучылар эшкә тотындылар. Бик тиз арада барлык геройларны коткардылар! Соңыннан балалар китапханәнең уку залында китаплар белән таныштылар, үзләренә китаплар алдылар. Чара укучыларга бик ошады, бик мавыктыргыч-кызыклы булды. Китапханә хезмәткәрләренә чын күңелдән рәхмәт белдерәбез!