Йөгерү ярышларында мәктәп укучылары, оешма-предприятие вәкилләре, гомумән, спортны үз иткән һәр сабалы катнаша алды.
     Чараның максаты: хезмәт ияләрен, укучы яшьләрне һәм мәктәпкәчә яшьтәге балаларны физик культура һәм спорт белән даими шөгыльләнүгә җәлеп итү; сәламәт яшәү рәвешен пропагандалау; физик культура һәм спорт белән шөгыльләнүне популярлаштыру.
     Ярышта мәктәбебез укучылары да актив катнашып, җиңүләр яуладылар:
     1-2 нче сыйныфта укучы малайлар арасында: Рахимов Адель – 1 урын;
     1-2 нче сыйныфта укучы кызлар арасында: Гатиятуллина Мадина – 1 урын,  Сабирҗанова Элина – 3 урын;
     3-4 нче сыйныфта укучы малайлар арасында: Даминов Самир – 1 урын,  Габдрахманов Инсаф – 2 урын;
     5-6 нчы сыйныфта укучы малайлар арасында: Нигъматҗанов Камил – 1 урын;
     7-8 нче сыйныфта укучы егетләр арасында: Хуҗин Илзат – 3 урын;
     7-8 нче сыйныфта укучы кызлар арасында: Шарифуллина Галия – 2 урын;
     9-11 нче сыйныфта укучы егетләр арасында: Рафиков Әмир – 2 урын;
     9-11 нче сыйныфта укучы кызлар арасында: Биктаһирова Сөмбел – 1 урынны яуладылар.
     Әлеге җиңүләре белән укучыларыбызны һәм җитәкчеләре Ленар Ренатович, Илназ Вакыйфовичны чын күңелдән котлыйбыз, киләчәктә дә зур уңышлар, бөек үрләр телибез.