Укуның беренче атнасы сагынып көткән сыйныфташлар, укытучылар, мәктәп белән очрашу, уку режимына кереп китү, ияләшү чоры. Шунлыктан мәктәбебездә “Без – беренче, бергә, белемле, бердәм, булдырабыз!” дип исемләнгән атна үтте. Яңа укучылар белән уеннар ярдәмендә танышу, дустанә мөнәсәбәтләр урнаштыру өчен тәрбия сәгатьләре үткәрелде. “Туган тел һәм халыклар бердәмлеге елы” уңаеннан “Башваткыч”, “Без татарча беләбез” уен-бәйгеләрдә укучыларыбыз көч сынашты.