Бүген мәктәбебездә “Нәүрүз бәйрәме” үткәрелде. Бәйрәм Җылы Кояш килүе, Нәүрүзбикәнең теләкләре белән башланып китте. Кыш бабай белән Кар кызы да көч сынашырга килделәр, урыннарын Язга бирергә теләмәделәр. Ләкин Кыш бабабыз арды, эреде, теләкләрен әйтеп урынын Нәүрүзбикәгә бирде. Бәйрәм һәр сыйныф укучыларының матур чыгышлары, җырлар, биюләр белән үрелеп барды.
     Бәйрәмнең икенче өлешендә укучылар төрле ярышларда үзләренең көчләрен сынадылар: кашык белән су ташыдылар, чүлмәк ваттылар, ярма араладылар.
     Бәйрәмебезнең иң тәмле җире - Нәүрүз күчтәнәчләре   коймак белән кайнар чәйдән һәркем теләп авыз итте.
     Бәйрәмне оештыруда катнашкан укучыларыбызга, әти-әниләргә, мәктәп хезмәткәрләренә зур рәхмәтебезне җиткерәбез.
     Бәрәкәтле булсын язлар,
     Нәүрүз мөбәрәк булсын!