Мәктәбебездә, Туган тел айлыгы уңаеннан, 8 а, б сыйныфы укучылары белән “Переведи. Татарча яхшы беләбез!” дип исемләнгән интеллектуаль уен үткәрелде. Уен 3 турдан торды. Беренче турда укучылар русча җәнлек, үсемлек атамаларын, мәкальләрне татарчасын белергә тиеш иделәр. 2 турда “Серле сандык”та яшеренгән әйберләрнең тәрҗемәсен атадылар. Ә 3 тур “Җырлыйк әле” дип исемләнде һәм укучылар татар халык җырларының дәвамын әйтеп күрсәтергә тиеш иделәр. Уенга нәтиҗә ясап, очколарны санаганнан соң, 8 б сыйныфы 1 урын алды, 8 а сыйныфы 2 нче урынга ия булды. Укучыларны җиңүләре белән котлыйбыз, алга таба да укуларында уңышлар телибез.