Җәй – ул үзе бер тормыш. Бу тормышны истә калырлык, мавыктыргыч һәм файдалы  итеп үткәрү өчен бөтен мөмкинлекләр дә бар. Мәктәбебезнең 9-10 сыйныф укучылары  1 июльдән 16 июльгә кадәр Яр Чаллы шәһәрендә "Сәләт-Рухият" һәм «Сәләт Яр Чаллы» лагерьларында ял итеп кайттылар. Укучыларыбыз анда да сынатмадылар, төрле ярышларда катнашып командага үзләренең көчләрен керттеләр. Футболда 1- урын, волейболда 2- урын, стритболда 2- урын, интеллектуаль уенда 2-урын, КВН да 1-урын алуга ирештеләр. Шулай ук кызларыбыз да  Сәләт Яр Чаллы командасы составында шахмат ярышында һәм КВН да катнашып 2 нче урынны, алдылар. Укучыларның җәйге ялларын күңелле һәм файдалы итеп оештырган өчен бу лагерьны оештыручыларга мәктәбебез исеменнән  чиксез рәхмәтебезне белдерәбез. Киләчәктә  эшегездә  уңышлар,исәнлек-саулык теләп калабыз!