Бүген, мәктәбебезгә “Дулкын” радиосы җитәкчесе Мөбәрәкова Әлфия Галимҗан кызы һәм хезмәткәрләр - Вахитова Гөлназ Рөстәм кызы, Галиәкбәрова Гөлшат Касыймхан кызы “Журналист серләре” дип исемләнгән очрашуга килделәр. Әлеге очрашуның максаты журналист һөнәре белән якыннанрак танышу һәм камера каршында үз үзеңне тоту, микрафон белән эшләү серләренә төшенү иде. Очрашуда укучылар үзләре, “Мин - репортёр” бәйгесе кысаларында төшергән репортажлары белән уртаклаштылар, остазлардан киңәшләр алдылар. Әлеге җылы, файдалы очрашу өчен Мөбәрәкова Әлфия Галимҗан кызына, Вахитова Гөлназ Рөстәм кызына, Галиәкбәрова Гөлшат Касыймхан кызына зур рәхмәтләребезне җиткерәбез, алга таба да эшләрендә зур уңышлар, яңа үрләр телибез.