Мәктәбебездә “Диңгез пехотасы көне” нә багышланган районыбызның 1-5 сыйныф укучылары арасында шахмат ярышы булып узды. Әлеге чараны ачу тантанасында Саба муниципаль районы Башкарма комитеты Аппараты җитәкчесе Кәримов Марат Рәшит улы, Яшьләр эшләре һәм спорт бүлеге җитәкчесе Гарипов Ирек Рамазан улы һәм диңгез флотында хезмәт иткән ветераннар катнашты. Ярышта 100 дән артык укучы үз көчен сынады, аларга мәктәбебездә эшләп килүче “Хәрби диңгез флоты музее”на экскурсия дә оештырылды. Уен нәтиҗәләре буенча 3 сыйныф укучысы Гарифуллин Раяз 3 урынга, ә тренерыбыз Салават Саматович 1 урынга лаек булды. Команда исә лаеклы 2 урынны яулады. Укучыларны һәм Салават Саматовичны чын күңелдән котлыйбыз! Алга таба да җиңүләре белән сөендереп торырлар дип ышанып калабыз!