Буген, 15 нче октябрь көнне, 7А класс укучылары белән “Хикмәтле дә, бизәкле дә туган тел!” атналыгы кысаларында “Татар теле иленә сәяхәт” исемле бәйге булып үтте. Укучылар интеллектуаль бәйгедә күбрәк балл җыярга тырышып, татар теленең грамматикасы, тарихы, татар язучылары һәм әдәби әсәрләр буенча белемнәрен сынадылар. Балалар бар көчләрен җыеп тапкырлыкта һәм зирәклектә көч сынаштылар. Бер укучы да читтә калмады. Әлеге бәйге укучыларда туган телебезгә мәхәббәт, хөрмәт хисләре тәрбияли, игътибарлы һәм ихтирамлы булырга чакыра. Туган телебезне яклыйк, саклыйк. Киләчәгебез безнең кулда.