Илебез буенча 1 октябрьдә Өлкәннәр көне билгеләп үтелә. Бу бәйрәмне без дә читләтеп үтмәдек. 3 нче сыйныф укучылары белән матур концерт әзерләп лаеклы ялда булган укытучыларыбызны, техник хезмәткәрләребезне кунакка дәштек. Бүген һәркем вакыт машинасына утырып үзенең бала чагына, яшьлек елларына, студент вакытларына әйләнеп кайтты. Бүгенге бәйрәм рәхәт ял, истәлекләр, хатирәләр көне булып истә калыр дип ышанабыз. Хөрмәтле өлкәннәребез, сезнең барыгызны да бәйрәм белән котлап , иң беренче чиратта ныклы сәламәтлек , игелекле балалар һәм оныклар, тигезлектә, муллыкта, тынычлыкта һәм хөрмәттә яшәвегезне телибез.
     Сезнең тормыш юлы матур тарих,
     Күпләр өчен үрнәк булырлык.
     Рәхмәт, дибез, сезгә чын йөрәктән,
     Сезнең гомер - безнең горурлык.