Әйе, урамда  ямьле җәй, кояш кыздыра, назлы җил иркәли – һич кенә дә бина эчендә утырасы килә торган көн түгел! Шуңа күрә бүгенге көннең күпчелек өлешен укучылар “Олимп” стадионында күңел ачып үткәрделәр. Төрле ял итү мәйданчыкларында уйнадылар, пионербол, волейбол, футбол – барысында да көч сынашып карадылар. Чын күңелдән уйнагач вакыт үткәне дә сизелми калды – төшке аш вакыты җиткән икән бит! Тәмле ашлардан соң инде балалар музыка укытучысы Гүзәлия Рәшитовна әзерләгән “Көйне таны!” уенында катнаштылар. Җиңүчеләр түбәндәгеләр: 1 урын – Абдуллин Әмир (2 нче отряд), 2 урын – Насибуллина Анжелина (2 нче отряд), 3 урын – Фатыхова Аиша (3 нче отряд). Котлыйбыз һәм киләчәктә дә уңышлар телибез!