“ИнтелЛето” ял һәм сәламәтлек лагереның икенче атнасы ТАССРның 100 еллыгына багышлана. Көннең беренче яртысында, әлеге вакыйгага багышлап, “ТАССРның тарихы һәм үсеше” дигән видео-фильм каралды, алган белемнәрдән чыгып отрядлар арасында ярыш үткәрелде. 1 урын - 3 нче отряд, 2 урын- 4 отряд, 3 урын - 2 нче отряд, 4 урынны 1 нче отряд яулады. Шулай ук отрядлар бердәм рәвештә туган ягыбызга багышлап стенд-газеталар чыгардылар, проект якладылар.
     Көннең икенче яртысы татар халкының милли бәйрәме “Сабантуй”га багышланды. Балалар, гармун моңнарына кушылып, отрядлар арасында бирнә җыйдылар, кашык белән йомырка, су ташуда, чүлмәк ватуда, капчык киеп йөгерүдә, скакалкада сикереп көч сынаштылар.
      Бүгенге көн кызыклы чараларга бик бай булды. Балалар күп бүләкләр алып, шатланып өйләренә таралыштылар. #100летТАССР