“Мәктәп һәм әти-әниләр”  атналыгы кысаларында “Шәҗәрә-нәсел агачы” бәйгесе үткәрелде. Әлеге бәйгенең максаты – укучыларыбызга шәҗәрәләр  аркылы  ата - бабаларының дәвамчысы булуын төшендерү,  нәсел агачыңны белү, эзләү - барыбызның да изге бурычы булуны аңлату. Укучылар бәйгегә берсеннән –берсе матур, эчтәлекле шәҗәрәләр алып килделәр. Әлеге бәйгедә актив катнашкан укучыларга, әти-әниләренә зур рәхмәтебезне җиткерәбез.