“6 Days Around the World” атналыгын дәвам итеп, бүген мәктәптә “Сәяхәтчегә 100 сорау” дип аталган исем астында, күп илләргә сәяхәт кылучы Алим Фиргатович белән очрашу булып узды.
     Сәяхәтче үзенең Америка, Дубай, Польша, Голландия, Великобритания, Египет һ.б җирләргә сәяхәт итүен, төрле милләт халкы белән аралашуын сөйләде. Укучыларга кече яшьтән үзеңне ачарга өйрәнергә, иң беренче чиратта яшәгән җиреңне яратырга кирәклеген әйтеп үтте.
      Очрашу күңелле вакыйгаларга бай булды. Укучылар үзләрен кызыксындырган сорауларын татар һәм инглиз телләрендә биреп, сәяхәтчедән кызыклы җаваплар ишеттеләр.
      Районыбызда үз эшен ачып, шактый уңышларга ирешкән, башкаларга үрнәк-өлге булып яшәүче Алим Галимуллин белән мондый күңелле очрашулар алга таба да уздырылыр дип ышанып калабыз!