Мәктәп яны ял һәм сәламәтләндерү лагерының кызыклы һәм файдалы булып тагын бер көне узып китте. Бүгенге көн планы күбрәк спорт һәм мәдәниятны берләштергән күңелле чараларны үз эченә алды. Балалар командаларга бүленеп, “Күңелле стартлар”да көч сынаштылар. Кояш үзенең нурларын тагын да күбрәк сибә башлагач, алар “Олимп” стадионында саф һавада уен мәйданчыкларында уйнадылар, туп типтеләр. Тәмле төшке аштан соң “Җырлыйк әле” дә караоке җырладылар. Балаларга бүгенге көн бик ошады, бүләкләр алып өйләренә таралыштылар.