22-25 апрель көннәрендә Казан шәһәрендә татар теле һәм әдәбияты буенча VI Халыкара олимпиада булып узды. Әлеге олимпиада Россия субъектларында һәм чит илләрдә татар теле һәм әдәбияты белемен, татар мәдәниятен үстерү һәм саклау өчен шартлар тудыру максатыннан уздырылды. Бәйгедә14 яшьтән алып 25 яшькәчә булган укучылар һәм студентлар катнашты. Араларында Австралия, Төркия, Казахстан, Япония, Үзбәкстан, Бельгия, Франция, Канада, Кытайдан килгән яшьләр дә бар иде. 6 көн дәвамында олимпиадада катнашучыларга төрле мавыктыргыч чаралар, очрашулар, экскурсияләр оештырылды. Әлеге зур бәйгедә мәктәбебез данын Осипова Ангелина (10 сыйныф) белән Галиәхмәтова Ләйсән (11 сыйныф) якладылар. Нәтиҗәләр дә куанычлы: Ангелина 2 урынга, ә Ләйсән лауреат исеменә лаек булды. Кызларны һәм җитәкчеләре Галимҗанова Сания Вәгыйз кызын зур җиңүләре белән котлыйбыз. Алга таба да уңышлар теләп калабыз!