Һәммәбезгә әни кирәк.

Ә әнигә кем кирәк?

Әниләргә без кирәк,

Якты, аяз көн кирәк.

Саф һавада кар яуганлыктан файдаланып рәхәтләнеп тау шудык.

Кисеп ябыштыру эшчәнлегендә әниләр бәйрәменә бүләк ясадык. 

Рус теле эшчәнлегендә балалар белән түгәрәк уенын уйнадык.

Математика эшчәнлегендә табышмаклар чишеп таякчыклар ярдәмендә төрле предметлар ясадык.

Рус теле эшчәнлегендә "Приключение овощей" дигән уен уйнадык. Яшелчәләрне төсләре буенча вагоннарга урнаштырдык.

Рәсем эшчәнлегендә портрет жанры белән танышуны дәвам иттек һәм үз әниебезнең портретын ясадык.

Атна дәвамында өйрәнгән белемнәрне ныгытыр өчен юл йөрү кагыйдәләре буенча "Имин юллар", дип исемләнгән викторина уздырдык. Балалар үзләренең өйрәнгәннәрен төрле уеннар, сораулар ярдәмендә исбат иттеләр. Шулай ук билгеләрнең төрләрендә балалар   уен аша аерып күрсәттеләр. Уртанчы төркем балалары "Хезмәт күрсәтүче" билгене төзеп күрсәттеләр.

Бүген саф һавага чыккач балалар белән урамда өйрү кагыйдәләрен искә алдык һәм юл билгеләрен "Игътибар балалар!", "Җәяүле сукмагы" кебек билгеләр белән танышуыбызны дәвам иттек.

Балаларның юл йөрү кагыйдәләре буенча белемнәрен арттыру, игътибарлылыгын, юл йөрү кагыйдәләрен өйрәнүгә кызыксыну уяту, балаларның үзара аралашуларын яхшырту, дуслык, бердәмлек хисләре тәрбияләү максатыннан урам буенча сәяхәт иттек.