Бүген 3 нче гыйнвар көнне матур традиция буенча район башлыгының Чыршы бәйрәме быел да иң актив, акыллы, сәләтле, уку алдынгылары булган укучыларны җыйды.Бәйрәмдә актив катнашуыгыз белән сез үзегезнең сәләтле, белемле булуыгызны тагын бер тапкыр расладыгыз. Тик ирешелгәннәрдә туктап калмагыз. Үсегез, укыгыз, иҗат итегез. Киләчәк – зирәк, иҗади яктан камиль яшьләр кулында, – дип, укучыларга иң изге теләкләрен җиткерде район башлыгы Рэис Нургалиевич. "Минем шәҗәрәм" бәйгесендә актив катнашып җиңүгә ирешкән укучыларны һәм аларның җитәкчеләрен котлап, районның Архив бүлеге җитәкчесе белән бергә район башлыгының Рәхмәт хатлары, күчтәнәчләре тапшырдылар.
Чыршы бәйрәменә килгән һәр укучы район башлыгының Яңа ел күчтәнәчен дә алды.Яңа ел ул һәркем өчен әкияти сихри бәйрәм һәм шулай булып калачак та. Яңа елда барлык хыялларыгыз да чынга ашсын кадерле укучыларыбыз.