Күзләрдә бәхет елмая,

Ә шатлыкка чама юк.

Без биибез һәм җырлыйбыз, 

Бездә бүген Яңа ел!

Кечкенәләр төркеме балалары белән чыршы уенчыкларының төрләре белән таныштык, аларның төсен, формасын, зур­лыгын, кулланылышын өйрәндек. Бүлмәбезгә чыршы бизәп куйдык.

Бу атна дәвамында балалар белән кышлаучы һәм күчмә кошларны аера белергә, тышкы билгеләренә карап танырга, аларга карата мәрхәмәтлелек, кайгыртучанлык хисләре тәрбияләргә, аларны рәнҗетмәскә ә ярдәм итәргә кирәклеген өйрәндек. Әти-әниләр ярдәме белән җимлекләр ясап элдек һәм кошларны күзәттек.

Балаларыбыз белән кышкы табигатькә хас билгеләр белән таныштык, шигырь юллары аша кышкы табигатькә сокландык, әдәби әсәрләр укып кышның тасвирланышы белән таныштык. Кышкы табигатькә экскурсия ясадык, куян эзләрен карадык. Җимлекләргә җим салып кошларны сыйладык. 

"Кыргый хайваннар" атналыгында кыргый хайваннар тормышы, яшәеше белән таныштык. Хайваннар турында әкиятләр укыдык, рәсемнәр ясадык, табышмакларга җаваплар таптык. Кору эшчәнлегендә зоопарк тозедек. Йомгаклау чарасында "Теремкәй" рус халык әкияте сәхнәләштерелде. 

Әниләрне, әбиләрне

Кадерлибез, зурлыйбыз.

Чын күңелдән һәммәгезне

Бәйрәм белән котлыйбыз!

Атна дәвамында балалар белән йорт хайваннары һәм кошлары турында өйрәндек. Аларның үзенчәлекләре, тышкы билгеләре, яшәү рәвешләре һәм файдалары турында сөйләштек. Хайваннарның балаларын дөрес атарга өйрәндек. Сөйләм теле үстерү эшчәнлегендә " Ат белән колын " дигән рәсемгә хикәя төзеп сөйләдек. 

Урамнарны агарта,

Бар дөньяны яңарта.

Сафландыра кешене,

 Ничек аның исеме?

Кечкенәләр төркеме балалары белән юл билгеләрен кабатлау. Әвәләу эшчәнлегендәге эш барышы.

Балаларны светофор вазыйфасы һәм сигналлары белән таныштыруны дәвам итү максатыннан "Иң матур светофор минеке" конкурсы утте.