1 көн (25.12.2013) - Әкият дөньясында

2 көн (26.12.2013) - Иҗади сәнгать

3 көн (27.12.2013) - Мультфильмнар

4 көн (28.12.2013) - Яңа ел тамашасы

5 көн (30.12.2013) - Китап - безнең дустыбыз

6 көн (31.12.2013) - Табышмак әйтәм - җавабын тап!

7 көн (9.01.2014) - Сәламәт тәндә - сәламәт акыл!

Балалар белән Ике Басу Арташ авыл китапханәсенә экскурсиягә бардык. Китапханәче "Китапны сакла!" исеме астында библиографик дәрес үткәрде. Балалар атна буе китап турында өйрәнгән белемнәрен китапханәчегә күрсәттеләр, сөйләделәр.

Кыш җиттеме дуслар белән,

Без чаңгыда шуабыз.

Трамплиннан сикерәбез,

Шатланабыз шуңа без.

Балалар белән үз кулларыбыз белән җимлек ясап, элеп куйдык. Максат: Балаларны бездә кышлаучы кошлар белән таныштыру, аларны хөрмәтләү, ризык бирү, саклау.

Тәңкә карларны себереп,

Тышта буран котыра,

Тәрәзә төбендә гөлем

Ал чәчәктә утыра.

Әниләр-өйнең көзгесе,

Әни-гаилә терәге.

Балам  диеп барсына да,

Түзә ана йөрәге.

Шушы исем астында әниләр бәйрәме үткәрелде. Бәйрәмгә әниләр чакырылды. Балалар әниләренә концерт күрсәттеләр һәм "Колобок" әкиятен сәхнәләштерделәр. Әниләр үзләренә багышлап әзерләнгән чараны бик ошаттылар.

"Әни" бөек исем,

Нәрсә җитә әни булуга,

Шуңа күрә Зур горурлык белән,

Без сөйлибез Әни турында!!!

Балалар бакчада атна дәверендә "Туган Татарстаным" темасына сөйләштеләр. Максат: балаларда милли традицияләр турында караш булдыру, үз халкың турында белергә омтылыш тәрбияләү. Йомгаклау чарасы: "Мин яратам сине, Татарстан!" - күргәзмә.