"Табиб ярдәмгә ашыга" дигән темага әңгәмә үткәрдек, сюҗетлы рольле уеннар уйнадык. Доктор һөнәренең никадәр авыр һәм җаваплы икәненә төшендек.

1 нче июнь, балачакның иң матур бәйрәме - Балаларны яклау көне. Шул уңайдан Ике басу Арташ мәдәният хезмәткәрләре белән берлектә балалар өчен Сабантуй бәйрәме уздырылды. Балалар татар халкының милли бәйрәм уеннарында бик актив катнаштылар. Балаларга күңелле яллар, якты, матур киләчәк телибез.

Бүген, 30 нчы май көнне, безнең "Күбәләк" балалар бакчасында чыгарылыш кичәсе үтте. Хасанова Алия, Валиев Раяз, Зәләлетдинова Гүзәл, Гайбадуллин Эмиль балалар бакчасы белән хушлаштылар. Санаулы еллар эчендә алар үсеп, күп кенә һөнәрләргә өйрәнделәр. Бүгенге бәйрәмдә дә берсеннән - берсе матур чыгышлы, уеннары белән әти - әниләрен, килгән кунакларны сөендерделәр. Шатлыклы да, бераз моңсу мизгелләргә бай булды бәйрәм.

Бүген "Күбәләк" балалар бакчасында тәрбияләнүчеләр Бөек Җиңүнең 81 еллыгы уңаеннан, мәдәният хезмәткәрләре белән берлектә үткәрелгән тантаналы митингта чыгыш ясадылар. Балалар Җиңү көненә багышланган шигырьләр сөйләделәр, җырлар, биюләр башкардылар. Бу чара балаларда Бөек Ватан сугышында Җиңүнең мөхимлелеген, ветераннарга булган хөрмәтне патриотик һәм яшь буынны патриотик рухта тәрбияләнүне максат итә.

25 нче апрель көнне Ике басу Арташ мәдәният йорты һәм авыл китапханәсе белән берлектә шагыйрь Габдулла Тукайның 140 ел тулуга багышланган "Без Тукай оныклары" әдәби  - музыкаль сәгате үткәрелде. Чара барышында шагыйрьнең авыр балачагы, иҗат юлы турында сөйләделәр,китаплары белән таныштырдылар. Балалар Г.Тукайның шигырьләрен һәм әкиятләрен матур итеп сөйләделәр. "Мәңге яшь Тукай безнең күңелләрдә" дигән китап күргәзмәсе тәкъдим ителде.