2014нче елның 14нче февралендә район “Татар кызы” конкурсының йомгаклау туры үтте. 9нчы М сыйныфы укучысы Диләрә Вәлиева (укытучысы Ә.Н.Рәхиева)  үзенең чын татар кызы булуын кабат исбатлады. Ул үзенең матур җырлавы, скрипкада  өздереп уйнавы; образга кереп, искиткеч тәэсирле итеп сөйләве; халкыбызның мәдәниятен, тарихын, гореф-гадәтләрен, йолаларын яхшы белүе белән күпләрнең күңелен яулады һәм Идел буе районы буенча 1нче урынга лаек булды. Тәбрик итәбез!

         2014нче елның 13нче февралендә 1- 4нче сыйныф укучылары белән патриот-шагыйрь М.Җәлилне искә алу көне үткәрелде. Укучылар бөек шагыйребезнең шигырьләрен яттан сөйләделәр, аның сүзләренә язылган җырларны җырладылар. 1нче сыйныф кызлары башкаруында татар халык биюе чараны тагын да ямьләндерде. М.Җәлил әсәрләре буенча ясалган рәсем конкурсының җиңүчеләре Мактау кәгазьләре белән бүләкләнделәр.