Әйе, салкын кыш үтеп, яз җиткәч, халкыбыз бөек Тукайның туган көнен билгеләп үтә. Һәр ел саен мәктәпләрдә сөекле шагыйребез иҗатына багышлап, әдәби кичәләр уздырыла. Иң зур бәйрәм - республикабыз башкаласы Казан шәһәрендә була. Ул күп меңләгән халык катнашында шигырь бәйрәме итеп үткәрелә. Әлеге бәйрәмнән безнең мәктәп укучылары да читтә калмады.  Алар күренекле шәхесләр белән аралаштылар, бөек шагыйребезнең шигырьләрен яттан сөйләделәр.