16нчы сентябрь вакыйгаларга күп булды. Шуларның иң күңеллесе Горький паркы кысаларында узды. Әлеге көнне шәһәр күләмендә “Ярмарка добра” (“Яхшылык ярминкәсе”) исемендә ярминкә узып китте. Әлеге чарада безнең мәктәп активлары бердәм рәвештә теләп катнаштылар. Ярминкәдә балаларның кул эшләре, көзге уңышлар һәм башка бик үзенчәлекле экспонатлар тәкъдим ителде. Укучылар үзләре һәм ата-аналары әлеге бәйрәмнеңкүркәм кунаклары булдылар. Килгән кунаклар өчен кайнар чәй һәм тәм-томнар белән өстәл әзерләнгән иде. Ярминкә бәйрәм рухында бик уңышлы үтеп китте.