“2018 ел Татар теле һәм әдәбияты укытучысы” 22-24 январь көннәрендә Казан шәһәренең Яңа Савин районы 113 нче номерлы мәктәбендә “Ел укытучысы - 2018” Рәсәйкүләм бәйгесенең “Татар теле һәм әдәбияты укытучысы” номинациясендә шәһәр этабы узды. Анда Казан шәһәренең дүрт районыннан барлыгы сигез туган (татар) тел һәм әдәбияты укытучысы катнашты. 22-23 январь көннәрендә алар дәрес һәм методик семинар тәкъдим иттеләр. 24 январь көнне исә мастер-класс һәм проектлары белән чыгыш ясадылар. Нәтиҗәдә, Вахитов районыннан катнашкан ике конкурсант та җиңүгә ирешеп, киләсе этапка узды. Чын күңелебездэн Казан шәһәре Вахитов районының 39 нчы мәктәп укытучысы Әпсәләмова Илмира Хәмит кызы һәм Вахитов районы 27 нче гимназиясе укытучысы Нәҗипова Эльвина Рифат кызын шәһәр этабында җиңүләре белән котлыйбыз. “2018 нче ел укытучысы” бәйгесенең алдагы этапларында да зур уңышлар телибез!