Бөек татар язучысы Габдулла Тукайның тууына 140 ел тулу уңаеннан 23 нче апрель көнне безнең балалар бакчасында әдәби- музыкаль кичә узды. Кичәбезнең төп кунагы - Татарстан Язучылар берлеге әгтзасы, Татарстан Республикасының атказанган сәнгать эшлеклесе Йолдыз Әдип кызы Шәрәпова булды. Кичә барышында балалар , әти-әниләр, тәрбиячеләр - һәммәсе дә , кызыксындырган сорауларына җавап таптылар, яраткан әсәрләренең серләрен белә алдылар. Балалар матур итеп , саф татар телендә шигырьләр сөйләделәр , җырлар җырладылар . Авторның автографы белән китапка ия булу балаларны тагын да илһамландырып җибәрде! Кичәбез бик җылы, матур атмосферада узды! Йолдыз апа Шәрәповага зур рәхмәтебезне белдерәбез, аңа исәнлек-саулык, иҗади уңышлар теләп, киләсе очрашуларны көтеп калабыз!