Балалар бакчасындагы туган теленнән шөгыль татар балаларына милли тәрбия бирүне, сөйләм телен үстерүне максат итеп куя. Бала туган телендә яхшы сөйләшә, аралаша белгәндә генә үзенең фикерен ачык, төгәл һәм дөрес әйтеп бирә ала. Татар теле тәрбиячеләре һәр шөгыльне кызыклы, мавыктыргыч итеп оештырырга тырыша. 

Яңа материалны аңлату, ныгыту, үткәннәрне кабатлау, балаларны дөрес сөйләм үрнәкләренә өйрәтү, эшчәнлекләрен активлаштыру төрле алымнар һәм чаралар ярдәмендә тормышка ашырыла. Һәр көн тәрбияче балалар белән тел көрмәкләндергеч  күнегүләр уздыра, режим моментларында татар халык уеннарын уйныйлар, шулай ук көн дә нәниләр белән шәхси эш тә алып барыла.