Бүген бездә «ФДББС шартларында татар теле һәм әдәбияты дәресләрен укыту үзенчәлекләре” дигән темага республикакүләм семинар үтте. Анда, яңа технологияләргә нигезләнеп, татар теле һәм әдәбияты укытучылары ачык дәресләр күрсәтте:

• Галимова И. Ә. – “Ә.Еникиның “Матурлык” әсәрен анализлау” (6 нчы В);

• Хәйретдинова Г.Ф. – “Мин – өйдә булышчы” темасында инфинитив” (5 нче А);

• Сибгатуллина Г.Г. – “Җөмлә кисәкләре.Аергыч турында төшенчә” (8 нче Б);

• Александрова А.И. – “Сыйфат сүз төркемен гомумиләштереп кабатлау” (6 нчы Б);

• Хәсәнова Г.З. – “Яңа ел” темасын кабатлау” (2 нче А);

• Фирсова Ә.С.  – “Кыргый хайваннар” (4 нче В);

• Кәримова М.Н. – “Сыйфатның артыклык дәрәҗәсе” (4 нче Б)

Семинарның икенче өлешендә “Милли тәрбия – милләтебез нигезе” дигән темага сыйныфтан тыш чара булды. Анда 39 нчы балалар бакчасы методисты, ТР атказанган укытучысы Нурзия Мирхазова һәм журналист, язучы, “Безнең фикер” газетасы мөхәррире Амур Фәләх (Яр Чаллы) чакырылган иде. 

Семинар эшендә педагогия фәннәре кандидаты, ТР Мәгарифне үстерү институтының милли мәгариф лабораториясе методисты Мозафарова М.Г., шәһәр мәгариф бүлеге методистлары Сабирова Г.Х., Исмәгыйлева  Р.Р., Аксакаллар шурасы әгъзалары Суфиян абый Минһаҗев һәм Мансур абый Ганиев, муниципаль район мәктәпләреннән килгән татар теле һәм әдәбияты укытучылары  катнашты.

Килгән кунаклар семинар эшенә югары бәя куйдылар.